കീരംപാറ
ഗ്രാമ പഞ്ചായത്ത്

ഗ്രാമപഞ്ചായത്തിന്‍റെ വാർഷിക പദ്ധതി (Annual Plan) പഞ്ചായത്തിന്റെ സമഗ്ര വികസനം ലക്ഷ്യമാക്കി ഓരോ സാമ്പത്തിക വർഷത്തിനുമായി തയ്യാറാക്കുന്ന വികസന പ്രവർത്തനങ്ങളുടെ രൂപരേഖയാണ്. പ്രാദേശിക ആവശ്യങ്ങളും ജനങ്ങളുടെ നിർദേശങ്ങളും വികസന മുൻഗണനകളും പരിഗണിച്ച് വിവിധ മേഖലകളിൽ നടപ്പാക്കേണ്ട പദ്ധതികളും പ്രവർത്തനങ്ങളും വാർഷിക പദ്ധതിയിൽ ഉൾപ്പെടുത്തുന്നു. കുടിവെള്ളം, ശുചിത്വം, ആരോഗ്യം, വിദ്യാഭ്യാസം, കൃഷി, സാമൂഹ്യ ക്ഷേമം, അടിസ്ഥാന സൗകര്യ വികസനം തുടങ്ങിയ മേഖലകളിലെ പദ്ധതികൾക്ക് വാർഷിക പദ്ധതി മാർഗനിർദേശം നൽകുന്നു. ജനപങ്കാളിത്തത്തോടെയും വികേന്ദ്രീകൃത ആസൂത്രണ തത്വങ്ങൾ പാലിച്ചും തയ്യാറാക്കുന്ന വാർഷിക പദ്ധതി, പഞ്ചായത്തിന്‍റെ വികസന ലക്ഷ്യങ്ങൾ കൈവരിക്കുന്നതിനും ലഭ്യമായ വിഭവങ്ങളുടെ ഫലപ്രദമായ വിനിയോഗം ഉറപ്പാക്കുന്നതിനുമുള്ള പ്രധാന ഉപാധിയാണ്. കീരംപാറ ഗ്രാമപഞ്ചായത്തിന്‍റെ വാർഷിക പദ്ധതിയുമായി ബന്ധപ്പെട്ട വിവരങ്ങൾ ചുവടെ ചേർക്കുന്നു.